“The happiest people don’t necessarily have the
best of everything, the make the best of everything they have.”
‘n Nuwe
blaadjie, nuwe leuse, nuwe attitude.
Ek het
vandag die eerste boks gepak. Ek moes nie – ek moes swot. Ek moet oor ‘n
skamele 2 weke ‘n ekonomie vraestel skryf. ¹
Maar die
brulpadda wat uit my lewe verdwyn het, het pyn agtergelaat en ek moes my besig
hou met iets om sommernet besig te bly. Swot tel nie onder “besig bly”
nie. Om agter boeke stil te sit en
soveel moontlik inligting in jou brein in te prop, met ‘n hart wat klop van seer,
is haas onmoontlik.
Ek moet
herkondisineer. Ek moet weer die lys van verskriklikes uithaal. Ek moet rigting
kry en kalm bly. Want daar is BAIE wat
gedoen moet word.
1. Kry kwotasie vir die trek.
2. Gee kennis by die landlord en reël
vir deposito oordrag.
3. Betaal die laaste 2 agterstallige
dokter’s rekeninge.
4. Reël met Shorty vir bokse.
5. Reël met Maria vir ‘n ekstra dag se
werk.
6. SWOT ‘N HELE EKONOMIE BOEK IN 2 WEKE
DEUR!!!!!!!!
Die ongeluk
het weereens in 3’e gekom.
Naderende
eksamen– EEN
Gedump deur die brulpadda – TWEE
Trek na ‘n
ander woonstel – DRIE
Maar ek
maak ‘n doelbewuste besluit om die beste van die omstandighede te maak. En
selfs, indien moontlik, ‘n les of 2 daaruit te leer (hoewel ek al na 2 jaar van
mishaps, redelik gekonfyt is in die
lewe)
My
voorlopige plan van aksie na ‘n nuwe lewe op ‘n nuwe blaadjie begin by die nuwe
woonstel. Ek hink nog op 2 gedagtes: sal
ek my slaapkamer wit-en-blou maak soos ek al hoelank daarvan droom. Of moet ek ook die verlede se drome in die verlede los
en eerder vir grys en geel gaan? (ek sal die grys en geel look sò kan afpull – het al
duisende planne!)
Volgende op
die lys van veranderinge is die MOM’s Mobile!!! Die einde is in sig vir diè
motor. Ek het reeds die inruilwaarde uitgevind.
En hierdie keer koop ek iets wat ek wil hê, ek soek nie ‘n “goeie koop”
nie. Ek settle nie weer nie².
Derde op
die lys : Ekself. Enige iets van 10 – 12
kg ligter.³ Ek het reeds begin bootcamp! En ek
kry soortvan by ‘n eetplan gehou!! Wat ek verder met myself gaan doen, weet ek
nie. (ek het nou lus vir wyn)
Ek wil meer
lees en nog meer skryf. Ek wil meer kook en minder eet. Ek wil soggens saam met
die voeltjies opstaan met ‘n lied in my hart. Ek wil nie meer wag vir die
perfekte man en droom van kinders nie. Ek wil nie meer met afguns staar na
mense wat gelukkig is nie. Ek wil nie meer bewus word van ‘n diep pyn as ek na
my broers se kinders kyk nie.
Ek wil my
lewe aanvaar soos dit is. Hier en nou.
Ek wil leer
wat dit is om in die hede te lewe en nie ‘n 10 jaar plan of droom te hê nie. Ek
wil die dinge wat regtig belangrike is (wat ek wel kan beheer) aanvat. Die boek, my eie winkel. My besige kop vol
besige idees.
Ek maak die
beste van wat ek het!
Wat is
volgende?
Sal ek ‘n
boks pak of ekonomie swot?
¹ Almal het gesê
ekonomie is maklik. Dit gaan net oor vraag en aanbod. Dis hoekom ek eers 2 weke
voor die eksamen begin swot het. Almal was verkeerd!!!
² Eintlik wil ek baie graag ‘n 4x4 hê. Of ‘n BMW. Daar’s nie ‘n manier
dat ek dit kan bekostig nie. EK kyk maar na ‘n Polo of Yaris.
³ Ek wil ook ‘n “skinny Biatch wees. En Klaar.